قالت قصيمي قصدها .....؟

SIZE="4"][color:f6b1="DarkRed"]
قالت قصيمي قلت فخر ومعزه

أهل الفخر والعلم والحلم والباس

قالت قصيمي قصدها بي تهزأ

ماتدري أني بفتخر وأرفع الرأس

الحمد لله روسنا دوم رزه

الي خلقنا بس نحني له الرأس

صافي نسبنا والحسب فيه عزه

أصلاٌ أصيل وفصل والعرق دساس

أهل الوفاء والدين صافي منزه

عن كل ماشاب العقيده من أدلاس

حنا العقيلات أنشد رجال غزه

حنا هل الدنيا وللدين حراس

حنا سنايد نجد في كل حزه

لا خانت حلوق الرجاجيل الأنفاس

حنا جبال يعجز الريح هزه

حنا لنجد حزام وعصابة الرأس

نارد حياض المرجلان ونلزه

مانمشي دروب الرذيله والأدناس

من يغلط السانه علينا نجزه

والي يحقر قدر الرجاجيل ينداس

من العدو تكفيه بالعين خزه

يقضي عليه الخوف مع كل هوجاس

من ذكرنا في قلبه تثور نزه

ومن طاري القصمان يبلاه وسواس

نومه كوابيس وروعه وفزه

دقة رواقيص الخطر له والأجراس

ومنهو لقاله من علينا يوزه

هون له الصعبات وأبليس خناس

مايدري انه للمهالك يدزه

عجلا عل مبناه يمحى من الساس

يابنت حنا من نخانا نعزه

تاريخنا مجدااا لبسناه بزه

نمشي بوسط السوق ماندحم الساس

لك ماتركنا بكاس الأمجاد مزه

واجد عليك ومثلك حثالة الكأس

وش جاب حر الطير لفريخ وزه

منهو يساوي جوهر الماس بنحاس

لاتحسبين أنك لنا مستفزه

وش يأخذ الباعوض من ريش قرناس


[/SIZE

مشكور على القصيده وكل قصيمي فتخر

الله يعطيك العافيه علا الشعر

مشكور

مشكووووووووووووووووووووور

قصيميه وسبعة انعام

مشكوووورين أكيد النحااااس مايقااارن الالمااااااااااااس

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
أحب القصماااااااااااااان وأنااا بديرتي