الحب له سطوه وله جيش وجنود...

الحب له سطوه وله جيش وجنـود
وسط الضماير غزوته ما خسرهـا
كنه فريق اول له الفعـل مشهـود
له هيبة ٍ تخضع رقاب ٍ سطرهـا
يامر وينهي والمحبيـن لـه قـود
تنقاد في حكمه وغصب ٍ جبرهـا
ياما قلوب العشق قيّـد بهـا قيـود
واشعل فتيل الوجد سحره سحرهـا
يحتلها يجعل بهـا زهـور وورود
يبني بها ابيوته وشوقـه عمرهـا
وياما عيون مْن الولهه دمعها زود
حرّك مدامعهـا واحـرق نظرهـا
تسهر ليالي اجفونها عافت ارقـود
ما تذوق طعم النوم طايل سهرهـا
جبار ساطي طاغي ٍ ماله حـدود
في كل ديره رايتـه مـا كسرهـا
هاذي سواته فالخلايق له اشهـود
مجنون ليلى قصته مـن خبرهـا
يضرب بها الأمثال من وقت معهود
ماضي ومستقبل وحاضر قدرهـا

صح لسانك

يسسسسسسسسسسسلمو

مشكور